Milîsanê Qesasî yê Têgêrayîşê Şorişê Yewbîyayeyî yê Şaran (HBDH) 12ê tebaxe de rayîrê Amed-Bismilî de vera wesayîtê servîsê qoricîyan çalakîyêke kerde.

Derheqê çalakîye de na eşkerayîye dîyaye:

''Nêame zelalkerdene ke çalakîye de çend qoricîyî kişîyayî la ame tesbîtkerdene ke xeylêk qoricîyî birîndar bîyî. Çalakîye ra dima warê çalakîye gêrîya binê ablûqa la hêzê ma bi weş û silametî agêrayî waranê xo.

Çalakîya ma  selam kena çalakîya 15ê Tebaxe ya ke Kurdîstanî de vera kolonyalîzmê tirkî guleyo verên eşt. Ma hamleya şorişgêre ya YPS û YPS-JIN rê zî selam kenê. Çalakîya ma vera qoricîyan bîye ke hemkarê kolonyalîstan ê. Kolonyalîstî û hemkarê înan do bêrê cezakerdene.

Ma venga ciwananê Kurdîstan û Tirkîya danê ke vera faşîzmî hêz bidê xoverdayîşê gerîlayan. Nika wextê vatişî nê wextê çalakî yo.''