DEM Partî çarçewa mesajanê pêvînayîşanê bi Rayber Apoyî de Warê Esenyurtî yê Îstanbulî de Mîtîngê Haştîya Seba Azadîye bi şîarê ‘’Seba Azadîye Kede, Edalet û Haştîye’ kerd. 

Hemvervatoxa HDKyî Merale Daniş Beştaş û Hemsereka Pêroyî ya DEM Partî Tulaye Hatîmogullari zî tewrê mîtîngî bîyî.

Tulaye mîtîng de qisey kerd û pare kerd ke ê seba haştîye ameyê Esenyurtî. Tulaye vat: ‘’Înanê ke peyê ma de barîkatî awan kerdê ê dişmenê haştîye yê. Bi serran o ma seba haştîye têkoşîn kenê. Têkoşînê ma vera tecrîdê Îmraliyî û qirkerdişan o. Ma Rojawanî rê statu wazenê. Ma ancî vanê ke destê xo Sûrîye ra biancê. 

Tirkîya ha çeteyanê SMOyî reyde hêrişê awbendê Tişrînî kena. Hinî mudaxeleyê Sûrîye mekerê. Ma tîya ra têkoşeranê Rojawanî selam kenê. Tirkîya de krîzo ekonomîk est o, kedkarî nêeşkenê debara xo bikerê. Ganî ma vera şerî heqê kedkaran bipawê.’’

Tulaye bale ante pêvînayîşanê bi Rayber Apoyî ser û vat: ‘’Mesajê Birêz Ocalanî eşkera yo; o seba caardişê çareserîye amade yo. La ganî îqtîdar seba caardişê çareserîya meseleya kurdan û haştîye gamanê zelalan bierzo. Wa tecrîd wedarîyo ke Birêz Ocalan bi rehetî qisey bikero.’’

Merale Daniş Beştaş pare kerd ke Rayber Apo tena seba kurdan ney seba haştîya pêro welatî têkoşîn keno û vat: ‘’Heta ke tecrîd dewam bikero haştîye do nêra. Ma Îmraliyî rê selamê xo şawenê. Haştîye çareserî ya. Ma wazenê ke pêro şaran pîya û azad biciwîyê. Şerî sey çeke nêşuxilnê.’’