Hemşaredarê Şaristanê Pîlî yê Amedî yê HDPyî Selçuk Mizrakli yo ke rîyê îfadeyê îtîrafkere Hîcarane Berna Ayverdî 140 rojî yo zîndan de yeno tepiştene ewro roniştişê qerarî yê dewaya ci Mehkemeya Cezaya Giran a 9. ya  Amedî de ama kerdene. Roniştişo ke Mizrakli tewrê ci nêbi, avûkatê ci Zulale Erdogan, Mehmet Emin Aktar, Cihan Aydin ve Muhsin Bilal amede bî. Heyetê mehkeme bi îdîya ''endamîya rêxistine'' 9 serrî û 5 mengî û 15 rojî ceza  daye Mizrakliyî.

Badê qerarî HDPyî mesajê Mizrakliyî pare kerd û vat: ''Ma nê qerarî nas nêkenê. Ma do pîya bi şarê xo vera nê zulmî çok nêdê û xoverdayîşî xurt bikerê.''  

Mesajê Mizrakliyî wina ya:  ''Verê her çî demo ke ma tira raverêne hewcedarîya holîye, heskerdiş, roşnayîye û haştî esta. Wext wextê vera xirabîye holîye, vera tarîtîye roşnayîye, vera tersî cesaretî û vera pêkewtişî û şerî haştî xurtkerdiş o. Qerarê ke dîyayî huqûqî nîyê û nînê qebulkerdene. Heqîqet sey her wextî do bibo wesîleya roşnayîye. Ma do pêro pîya sibayanê rindan bîyarê. Şima rê xeberêka mi esta. Nê zalîmî do nizdî ra biremê. Zaf gune û xirabîye kerdî pêser.

Şewleyê holîye û rindîye şima ser ra kêm mebo.''