MLKP: Hêrişkêrê şehîdgehan do hesab bidê

MLKPyî vengê xo vera hêrişkaranê şehîdgehan berz kerd û vat: ''Şima do hesab bidê mehkemeya şorigêre.''

Komîteya Merkezî ya MLKPyî derheqê hêrişanê vera şehîdgehanê Kurdîstanî û hêrişê vera cenazaya Îbrahîm Gokçekî de eşkerayîye daye.

Eşkerayîye de ame vatene ke: ''Seba ke gorê şehîdan nêrê naskerdene  tedaya keyeyan yena kerdene, dadîyanê gerîlayan rê îşkenceyo manewî yeno kerdene.''

MLKPyî eşkerayîye de vist vîrî ke cenazayê gerîlayan peyê wesayîtê zirxînî de yenê kaşkerdene, bedenê înan yenê teşhîrkerdene, vera gora dadîya Aysele Tugluk hêriş ame kerdene, cenazaya gêrîla Egîdî pê kargo erşawîyaye, vera cenazaya Îbrahîm Gokçekî hêriş ame kerdene, Goristanê Xerzanî yê Bedlîsî ra cenazayê gerîlayan ameyî remnayene û Goristanê Kîlyosî de kişta rayîrî de ameyî definkerdene. MLKPyî îfade kerd ke ê do hesabê nê kerdişan hêrişkeran ra bipersê. MLKPyî vat: ''Hêrişkerî do hesab bidê mehkemeya şorigêre.'' MLKPyî ard ziwan ke îqtîdaro faşîst AKP wazeno PKK tasfîye bikero, coka hêrişê kurdan keno.

MLKPyî vat: ''Ma wayîrê goranê gerîlayan û ê şorişgêran bivejîyê, ma xoverdayîşê şarê kurdî reyde bibê yew, vengê xo berz bikerê.''