Avûkatanê Rayberê Şarê Kurdî Abdullah Ocalanî Newroze Uysal, Faîk Ozgur Erol, Cengîz Yureklî û Mazlûm Dînçî seba ke muwekîlê xo reyde pêvînayîş bikerê ewro saetanê sere sibayî de muracatê Serdozgerîya Komare ya Bursa kerd. Muracat bi bahaneya qedexeyê pêvînayîşî yê 6 mengan ame redkerdene.

Serdozgerîya Komare ya Bursa 23ê êlule de Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.