Seba Xelatanê Rojnamegerîye yê Musa Anter û Şehîdanê Çapemenîya Azade  muracatî dest pêkerd. Musabeqeya ke qismanê “Xebera Tirkî”, “Xebera  Kurdkî”, “Fotograf (Fotografê Xeberan), “Karîkator” û  semedê  vîrardişê Gurbetellî Ersoz “Xeberkarîya Cinîyan” ra pê yena, do hetê rojnameyê Yenî Yaşamî ra bêro organîzekerdene. Netîceyî do menga êlule de bêrê eşkerakerdene.

Seba muracatî 10ê êlule tarîxo peyên o. Netîceyî do 18ê êlule de bêrê eşkerakerdene.

Seba vîrardişê nuştox û roşinvîrê Kurdî Musa Anterî û xebatkaranê çapemenîya Azade yê ke serê karî de şehîd bîyî, serra 1993î ra heta nika her serre “Xelatê Rojnamegerîye yê Şehîdanê Çapemenîya Azade û Musa Anterî” yenê viraştene. Emser zî ziwanê musabeqeyî tirkî û kurdkî yê.

Şertê Musabeqaye wina yê:

*Kesê ke wayîrê şertanê şartnameyê musabeqa yê eşkenê beşdarê musabeqa bibê.

*Endamê Heyetê Vîjnayîşî(eke a serre jurî bê) û xebatkarê Yenî Yaşamî nêşkenê beşdarê musabeqa bibê.

*Berhemê musabeqa ganî verê cû cayêk de meweşanîyê yan zî eke 10ê Êlule 2021î ra dima ameyê weşanayene qebûl bene.

*Beşdarî nêşkenê bi berhemanê xo yê xelatgirewtoxan beşdar bibê.

*Eke çîyêko winasî biqewimîyo, do xelatî betal bibê û têpîya bêrê girewtene.

*Eke berhemê kesanê bînan bêrê jurîyan ver, no do sey îxlalî bêro erjnayene.

*Ganî fotografî wayîrê wesfanê fotografanê xeberan bibê û ser o mudaxeleyî mebê.

*Berhemê ke erşawîyenê do bi goreyê şertnameyî bêrê qebûlkerdene.

*Berhem eke nêameyo weşanayene, ganî nameye ci, ca û wextê antişî, xêzkerdişî bêrê nuştene. Eke weşanîyayo, ça de vejîyayo û malûmatê bînî zî ganî zereyê dosya de ca bigerê. Beşdarî ganî xo bidê şinasnayene (CV), adresanê xo binusê, derheqê berhemê xo de zanayîş bidê û fotografêkî xo zî tede înan dosya de ca bikerê.

Jurî wina yo:

Xeberê Tirkî: Faruk Bildirici, Ali Duran Topuz, Banu Güven, Candan Yıldız, Nezahat Doğan, Mehmet Ali Çelebi

Xeberê Kurdkî: Ramazan Ölçen, Nergîz Îsmaîl, Bişar Turgut, Hatice Kamer, Münevver Karademir

Xeberê Rojnamegerîya Cinîyan: Dilek Arjin Öncel, Bircan Değirmenci, Derya Ceylan, Elif Ekin Saltık, Gülfem Karataş

Fotograf: Ramazan Öztürk, Beritan Canözer, Salih Yeşil, Özcan Yaman, Murat Baykara

Karikatur: Kemal Gökhan Gürses, Ronî Batte, Erceren

Berhemî ganî nê adresan rê bişawîyê:

"e-posta: [email protected]

Telefon: 0 212 252 83 99 Fax: 0 212 252 83 90

Adres: Şehit Muhtar Mahallesi Bekâr Sokak No: 7/3 Beyoğlu/İstanbul."