Seba Şaredarîya Mûşî namzedê DEM Partî Sirri Soylemez û Tuba Sayilgan ê. 

Roniştoxanê Mûşî derheqê weçînayîşan de ajansê ma rê qisey kerd û bi qiseyê 'Şarê Mûşî rê xizmetî nêkenê, teyna dizdîye kenê' vera namzedê AKPyî nêrazîbîyayîşê xo mojna.

Diyar Karaçelîk: Şaredarîya AKPyî karêkî zî nêkeno. Hê şima rayîrê ma vînenê. Şaristan de meseleya binawanî ya giran a. Ê teyna seba terefgîranê xo xebitîyenê. Coka ma do weçînayîşan de paştî bidê DEM Partî. 

Serhat Dînçer: AKPyî heta nika çîyêk zî nêkerd. Des serrî yo qaşo hê nêweşxaneyî virazenê. Ciwanê ma kewtê destê bazirgananê narkotîkî. Seba ke ma kurd ê ma do paştî bidê DEM Partî. Sey ciwanan hêvîya ma DEM Partî ya.

Zozane Çoban: Ez wendekara zanîngehî ya la şaredarîye mi rê ardim nêkena. Şaredarîye seba şar û ciwananê Mûşî nêxebitîyena coka ciwanî neçare manenê ke şorê teberê welatî. Ez sey cinîyêke do weçînayîşan de raya xo bida DEM Partî. 

Ethem Bozkûrt: Ma îdareyê nikayênî ra zaf aciz ê. Înşelah weçînayîşan de DEM Partî do ser bikewa. Ma DEM Partî ra razî yê. Şaredarîya nikayêne dizdîye kena, şarî rê xizmet nêkena. 

Mûhammed Akalin: Aya ke do Mûşî aver bera DEM Partî ya. Hînî çîyêk nêmend ke AKP do bido ciwanan. Ma sey ciwanan DEM Partî sey hêvîyêke vînenê.

Vefat Soylemez: AKPyî seba Mûşî karêk nêkerd. Ma ameyoxê xo DEM Partî de vînenê. Seba ke DEM Partî bi têdûştî nêzdîyê her kesî bena ma do paştî bidê ci.