Mûş de keyeyê endamê Meclîsê Ciwanan ê Partîya Çep a Keske Maruf Çelîkel û embazê ci Faruk Kuçukçelebîyî de cîhazê goşdarîkerdişî ame dîyene.

Maruf Çelîkelî pare kerd ke wexto ke ê pê cîhazî hesîyayê, kartê SIMî ser o cigêrayîş kerdo û musayê ke kartê SIMî aîdê Mudirîya Asayîşî yo.

Çelîkelî vat: ''Kartê SIMî aîdê asayîşî bi û di mengan ra nata aktîf bîyo. Asayîşî faturaya ci dayêne. Wina aseno ke polîsan wexto ke keye veng bi, no cîhaz tede cakerdo. Xora polîsan tim ma teqîb kerdêne. Verê keyeyî de tim wesayîtê TEMî est o. Polîsan ma rê ajanîye teklîf kerdêne vatêne 'Eke ti şore partîye ti do bivînî ke ma çi anê to sereyî.' Polîsan pê zorî çend reyî kerd ke telefonê ma abikerê.''