Muxabîrê Ajansê Mezopotamya (MA) Mehmet Aslano ke 5ê çeleyî de Îstanbul de sereştişê keyeyê ci de amebi destbendkerdene, ame tepiştene.

Aslano ke badê destbendkerdişî ame berdene Antalya, 4 rojan ra dima vejîya mehkeme. Aslano ke rîyê xeberanê ke kerdî ra ame sûcdarkerdene sûcê vera ci red kerdî û ard ziwan ke ê rojnamegerîye kerda. Heyetê mehkeme waştişê Aslanî û avûkatê ci yê serbestverayîşî red kerd û bi îdîaya endamîya rêxistene qerarê tepiştî da.

Aslan hela ke edlîye ra vejîya ard ziwan ke o rîyê rojnamegerîye ra ame tepiştene û vat: ''Ma do pêyê heqîqatî de vazdayîşî rê dewam bikerê.'' Aslan ame şawitene Zîndanê Antalya.