Hetkarê Hemserekanê Pêroyîyan ê HDPyî yê Komîsyonê Ekolojî ra Berpirsîyar Nacî Sonmez serrgêra 48. ya 5ê Hezîrane Roja Dormeyî ya Dinya de bale ante polîtîkayanê neolîberalan ê îqtîdarê Tirkîya.
Sonmezî vat: ''Her cayê Tirkîya de xoza yena talankerdene. Ma emser prosesê janî de pê rijîyayîşê ekolojîkî kewtî 5ê Hezîrane Roja Dormeyî. Îqtîdar polîtîkayanê neolîberal bi hawayêkê bêrehmî ano ca. Îqtîdar qerardar o ke hewceyê ceyranî pê santralanê nukleeran peyda bikero. Welatê ke wayîrê santralanê nukleeran ê ya bi temamî terikîyayî yan zî tay mend ke biterikîyê. Şarê ma zî nînan nêwazeno la bi israrî her ca de destûrnameyê seba HES û JESî dîyenê.''
Nacî Sonmezî pare kerd ke cuya pêro gandaran rê gef yeno wendene û vat: ''Kapîtalîzmo global û polîtîkayê neolîberalî xoza talan kenê. Şîrketê kapîtalîstî hêrişê çimeyanê xoza, waranê cuya kenê. Jan û serebûtê xoza netîceyê sîstemê kapîtalîstî yê. ''
Sonmezî ard ziwan ke ganî vera talankerdişê ked û xoza, kolonyalîzm têkoşînêko hempar bêro kerdene.