Hatay de se ra 83ê kesî tewrê weçînayîşanê 14ê gulane bîyî û narey herinda AKPyî de CHP tede bîyo partîya yewîne. Namzedê Partîya Çep a Keske yê Hatayî Kerem Nalbantî derheqê prosesê weçînayîşê 14ê gulane û turê diyînî yê weçînayîşê serekkomarîye de ANFyî rê qisey kerd.

Nalbantî ard ziwan ke merkezê Hatayî de derheqê binpaykerdişê asayîşê sindoqan de meseleyê cidîyî qewimîyayê û texrîbatê erdlerzî tesîrê motîvasyon, weçînayîş û asayîşê sindoqan kerdo.

Nalbantî îfade kerd ke turê diyînî de karo bingeyî qedînayîşê atmosferê bêhêvîtî û qesawetan bibo. Nalbantî vat: ''Hatay de ma nê netîceyî nêpawitêne. Meydan de partîya ma ra ber partîyêka bîne çin bîye. Şaristanêkê rijîyaye de ma bi hawayêkê organîzeyî karê weçînayîşî kerd. Netîceyî teyna seba ma ney seba pêro beşanê muxalîfan ê Hatayî cayê xemgînî bîyî. Ganî tesîrê erdlerzî û rijîyayîşî netîceyê weçînayîşan xorinêr nêkerê. Karo ke ganî seba turê diyînî bêro kerdene no yo ke motîvasyonê cuye û hêvîya ameyoxî ya merdiman bêrê newekerdene. Ma zî karê xo na çarçewe de do bikerê û her roje meydanan de yê.''