Sekreterê Pêroyî yê NATOyî Jens Stoltenbergî  derheqê tengijînî yê badê kiştişê Fermandarê Hêzê Qudusî Qasim Silêmanî de vat: ‘‘Mutefîkê NATOyî seba ke Îran paştî dano grûbanê radîkalan biqesewet ê.‘‘

Konseya Atlantîkê Vakurî ya NATOyî badê kiştişê Fermandarê Hêzê Qudûsî yê pabesteyê Artêşa Muxafizanê Şorişî ya Îranî Qasim Silêmanî semedê ercnayîşê qewimîyayîşanê peyênan Bruksel de ameye pêser. Kombîyayîşî ra dima Sekreterê Pêroyî yê NATOyî Jens Stoltenbergî kombîyayîşê çapemenîye de vat: ‘‘Mutefîkê NATOyî seba ke Îran paştî dano grûbanê radîkalan biqesewet ê. Ganî Îran gamê ke tengijînî xorî kenê meerzo.‘‘ Stoltenbergî ard ziwan ke endamê NATOyî heme heman fikîr de yê ke Iran wa wayîrê çekanê nukleeran mebo û Îran rê pêşnîyaze kerde ke wa tansîyon bidê ware. Stoltenbergî vat perwerdeyo ke herême de ame vindarnayene eke rewşe destdayî be do newe ra bêro destpêkerdene.