Namzedê Şaredarîya Miksî ya Wanî Ayvaz Hazirî derheqê weçînayîşan de ANFyî rê qisey kerd.

Ayvaz 1989 de Miks de dadîya xo ra bîyo. Ey Beşê Muhendîsîya Înşaetî qedîna û wextêk Şaredarîya Miksî de mudirîya Karanê Fenî kerde. O îdareyê HDPyî yê qezaya Rêya Armûşî de cagêno.

Ayvazî vist vîrî ke qezaya Miksî mabênê herêmanê Xerzan, Botan û Serhedî de maneno û ney zî tesîrê kultur û ziwanê Miksî kerdo. Ayvazî vat: ''Bazîd û Cizîre merkezanê Kurdîstanî ra bîyî. Warê edebîyatî de kurdan rê serkêşîye kerde û tira xeylê kesayetê namdarî vejîyayî. Miks seba cografyaya ma baxçeyêko nimite yo. Sîstemî heta nika kultur, ziwan û cografyaya qezaya ma zaf îstîsmar kerdî. Polîtîkayê çinkerdişî yê 100 serrî qezaya ma de zî zaf ameyî caardene.''

Ayvaz Hazirî pare kerd ke ê weçînayîşanê herêmîyan seba xoîdarekerdişê kurdan zaf girîng vînenê û vat: ''Weçînayîşê herêmîyî seba şarê kurdî şensêko pîl o. Her raya ke do partîya ma bigêra sîstemî rê do biba cewabêk. Şarê kurdî têkoşînê xo yê estbîyayîşî ra fek vera nêdano. Şarê ma tim cewab da ê kesan ke îradeyê ci çin hesibnenê. Ez ancî venga şarê ma dana ke dormeyê namzedanê DEM Partî de bibê yew.''