Meclîsê Cinîyan ê DEM Partî bi şîarê ''Ma cuya azade û têdûşte de isrardar ê, xo rêxistin kenê'' 12-13ê êlule de Anqara de Konferansê Rêxistinîya Cinîyan a Merkezî yo 1in kerdbi. Netîcenameyê konferansî ame eşkerakerdene.

Konferans dîyarîya rojnamegeram Gulîstane Tara û Hêro Bahadîn ameyî kerdene.

Netîcename bi kilmî wina yo:

''Konferansê ma de rêxistinîya cinîyan ameye nîqaşkerdene. Şerê hêzanê kapîtalîstan sere de Rojhelatê Mîyanênî de pêro dinya de destkewteyanê cinîyan hedef kenê. Îqtîdarê AKP-MHPyî zî keno ke bi dişmenîya cinîyan estbîyayîşê xo zixmêr bikero. Şero ke Herêma Kurdîstanî de yeno kerdene îlhaq û îşxal o. Gulîstane Tara û Hêro Bahadîn zî bîyê hedefê nê hêrişan.

Ma soz danê pêro cinîyan ê şehîdan ê ke torra têkoşînî ya enternasyonele ya tewr pîle awan bikerê.

Tecrîdê vera Abdullah Ocalanî zî rîyê nê rejîmê faşîsrtî eşkera keno. Nîşaneya faşîzmî ya tewr eşkera tecrîd o. Birêz Ocalan haştîye paweno û coka AKP-MHP tecrîd de israr keno. Şiknayîşê tecrîdî yeno manaya çareserîya meseleya kurdan.

Şer de israr krîzan, hêrişan û şîdetê vera cinîyan, xizanîye xorin keno. Ma do vera şerî rêxistinîya xo ya tewr xurte awan bikerê. Hêrişê îqtîdarî sebebê pîlbîyayîşê têkoşînê ma yo.

Ma do meclîsanê xo yê cinîyan her qeza û şaristan de pîlêr bikerê. Ma do vera hêrişanê serê xoza û ekolojî cewab bidê. Ma do cinîyan rê waranê îstîhdamî awan bikerê. Ma do vera koçbîyayîşî alternatîfan awan bikerê û polîtîkayanê cîyakeran ê vera multecîyan raşt bikerê.

Ma do cuya azade û têdûşte pîya awan bikerê. Ma do rêxistinîya xo pîlêr bikerê, politîkayanê dişmenîya cinîyan pûç bikerê. Ma do meverê ke keda ma bêra werdene. Ma do vera cîyakerîya serê astengdaran paştdayîşî pîlêr bikerê. Ma do tim vajê têkoşînê cinîyan ê rêxistinkerdeyan têkoşînê ma yo. Ma do nêverdê ke xozaya ma bêra talankerdene. Ma do Rayîrê Hîrêyînî de têkoşînê azadîye pîlêr bikerê.''