Eser Morsumbul Zîndanê Şakranî de tepişîyeno û xeylêk nêweşîyê ci yê giranî estê. Morsumbul 12ê adara 2017î de bi îdîaya 'endamîya rêxistine' tepişîyabî û Zîndanê Sîlîvrî ra surgunê Zîndanê Şakranî amebi kerdene. Morsumbulo ke velka xo ra nêweş o ganî her menge bêro kontrolkerdene la tedawîya ci yena astengkerdene.

2016 de dadîya ci velka xo dabî Morsumbulî. Derheqê Morsumbulî de raporê ''Se ra 70 astengdar o'' esto. Morsumbul dima de tepişîya tede nêweşîya helîyayîşê asteyan, anemî û zona zî peyda bîyî. Rewşa Morsumbulî vera bena giranêr.

Hezîrana 2021î de avûkatanê ci seba ke vera bidîyo muracatê Serdozgerîya Komare ya Karşiyaka ya Îstanbulî kerd la hema zî cewab nêdîya înan. Muracatê seba Heyetê Tipê Edlîyî zî nêameyo qebulkerdene.