Meydanê Yenîkakapi yê Îstanbulî de şayîya Newroze dest pê kerde. Şayîya Newroze ya ke bi şîarê "Rabe dema azadî û serkeftinê ye" yena kerdene hetê HDK, TJA û DEM Partî ra ameye organîzekerdene.

Şar bi coşê  Newroze di nuqtayan ra kewno warê şayîye.  Şarê ke kincê tradîsyonelî kerdî piray bi renganê kesk, sore û zere tewrê şayîye beno. Hetê bînî ra xebatkaranê înşaatî zî semedê tewrbîyayîşê Newroze bi otobusan verê xo da Meydanê Yanikapi.

Ciwanêko tîşortê ci ser o Kurdîstan nuşte bi polîsan vindar na la bi mudaxaleyê Komîteya Newroze ciwan kewt warê Newroze. Şayîye de slogana "Bijî Serok Apo"  yena vatene. Şar bi vengê berzî azadîya Rayberê Şarê Kurdî Abdullah Ocalanî wazeno. Reyna sloganê "Jin, jiyan, azadî" zî warî de zimayî. Bi deyîranê ke sehne de ameyî cinayene şarî govende girewte.

Hemserekê Pêroyî yê DEM Partî Tuncer Bakirhanî vat: ''Newroze vera îqtîarê AKP-MHPyî têkoşînê Hrant Dînk, Berfo Ana, Merdimê Şemeyî, Berkin Elvan û Emîne Şenyaşar o. Şima ewro reyna ramojna dost û dişmenî ke ma nêqedîyayî, hêzdar bîyî xurtêr bîyî. Şarê kurdî tarîxî ran ata vera zaliman têkoşîn keno û do têkoşînê xo rê dewam bikero. Mifteyê çareserîya meseleyakurdan Imrali de yo. Deklarasyonê çareserî yo demokratîk yê Birêz Ocalanî yo ke Newroza 2013yî de ame teqdîmkerdene, ma hema peyê ci de yê.''