Ewro Îdîr, Sêrt,Tetwan, qezaya Qoserî ya Mêrdînî, qezaya Cizîre, Elkê  û Hezexî yê Şirnexî, qezaya Erdîşî ya Wanî, qezaya Wêranşarî ya Riha de şarî roşanê Newroze pîrzo kerd. 

Kurdîstanijan bi kincanê xo yê neteweyîyan warê Newroze xemilnayî û bi sloganan vera şerî nêrazîbîyayîş mojna û azadîya Rayberê Şarê Kurdî Abdullah Ocalanî waşte.

Wekîla DEM Partî Pervîne Buldana ke  tewrê Newroza Îdirî bîyî vera tecrîdî hêrsê xo ard ziwan û vat, ''Eke tecrîd est o wayûbiratîye nêbena. Tecrîd wa wedarîyo.''

 Hetkarê Hemserekan ê Dem Partî Tayîp Temelo ke tewrê şayîya Newroze ya Wêranşar bi  semedê azadîya Rayberê Şarê Kurdî Abdullah Ocalanî mesajî dayî û vat, ''Çew nêeşkeno Abdullah Ocalan û şarî cêser bifîno.''

Hezex de şarî Roşanê xo pîroz kerd û vera zext û hêrişanê mesajê xurkterdişê têkoşînî da  waştişê azadîye ard ziwan

Sêrt de zî şar bi coşî tewrê şayîya Newroze bi û vat ê do ruhê serkewtişî yê 21ê Adare bikirişê 31ê adare.

Qezaya Cizîre ya Şirnexî de zî adirê azadîye yê Newroze ame tavistene. Hemserekê Pêroyî yê DBPyî Keskin Bayindirî vat, ''Şarê kurdî semedê azadîya xo bi hewayêkê qerardarî payan ser o.''

Tetwan de zî Newroze bi coşê pîlî ame pîrozkerdene. Hemserka Pêroyî ya DEM partî Tulaye Hatimogullari bale ante tecrîdî ser û vat, ''Ganî tecrîd cadê bêro wedaritene'' û semedê wayîrvejîyayîşê sindoqan veng da.

Erdiş de rixmê şertanê xiraban ê hewayî şarî bi coşê pîlî Roşanê Newroze pîroz kerd û mesajê xurtkerdişê têkoşînî da.

 

Qezaya Elkê ya Şirnexî de şarî bi coşî Newroze pîroz kerd û semedê azadîya Rayberê Şarê Kurdî Abdullah Ocalanî mesajî dayî.Şarê Elkê vat ''No adir do çirey nêşiro hewna.''

Qoser