Roşanê Newroze nêzdî bêno. Berlin de semedê paştîdayîşê mexdûranê erdlerzî Newroze do rew bêro kerdene.  Newroze do 12ê adare de bêro pîrozkerdene.

Sîyasetmedaro kurd Huseyîn Yilmazo ke Berlin de xebatan rayra beno semedê tewrbîyayîşê Newroze veng da. Yilmazî vat: ''Ma do Berlin de 12ê adare, roja yewşemeyî  saete 12.00 Oranienlatz pîroz bikerê. Ma na Newroze semedê mexdûranê erdlerzî bi ruhê paştîdayîş û hetkarîye  kenê. Seba ke biney xeyrê bireso mexdûranê erdlerzî, ma na Newroze zaf muhîm vînenê. Gerek emser her serrî ra zafêr tewrbîyayîş bibo. Bi nê hîs û fikran ma reyna şarê xo silam kenê û pawenê ke tewrê Newroza Berlinî bibo.''