Qezaya Depî ya Xarêtî ke de şayîya Newroze ameye organîzekerdene ke memleketê Mazlûm Doganî yo. Şayîya ke Meydanê Termînalî de ameye kerdene  bi hezaran kesî tewrê ci bîyî.

Hemserekê CDKyî Berdan Ozturkê ke şayîya Newroze de qisey kerd bale ante rayîrê çareserî ser û vat, ''Rayîr rayîrê Abdullah Ocalanî yo, azadîya Abdullah Ocalanî ya.''

Hemsereka Pêroyî ya DBPyî Çîgdeme Kiliçgun Uçar zî vat, '2Abdullah Ocalan elçîyê haştîye yo. Tirkîya de sere de meseleya kurdan semedê çareserîya heme meseleyan keda Birêz Ocalanî zaf muhîm a.''

Hemsereka pêroyî ya DEM Partî Tulaye Hatimogullari zî vat, ''Ganî ca de tecrîdê serê Rayberê Şarê Kurdî Abdullah Ocalanî bêro wedaritene û berê Îmraliyî bêrê akerdene.''

Şayîye de Wekîla DEM Parî ya Mêrdînî Salîha Aydenîze mesajê Rayberê Şarê Kurdî Abdullah Ocalanî yê verênî wendî.

Mesajê ra qismêk wina yo:

''Ma bi des hezaran serî semedê îspatkerdişê şarê kurdî yo ke çîn hesibîyeno, feda kerdî, ma bedelê gidî dayî. Nê fedakarîye, no nêkoşînî  çîyêk in nêşi. Kurdan eslê xo û nasnameyê xo newera fîna dest.  Paradîgmaya mondernîsta ke çîn hesibnena, înaker kena serûbin bîye.

Pêrodayîşê ma vera qet yew nîjad, dîn, mezheb û grûbe nîyo, nêbeno zî. Pêrodayîşê ma vera enciqnayîş, bêzanayîş, neheqîye û peydemendişî yo, vera heme zext û kolonîstan o. Ma cehd kenê ke rixmê heme kêmastîyanê seserre şaranê bindestan bîancê hetê xo û sîstemê modernîteya demokratîke înşa bikerê.

Alternatîfê sîstemê modernîteya demokratîke têna semedê kurdan nê eşkeran heme şaranê Rojhelatê Mîyanênî û dinya bikero azad. Ez na çarçewa de Roşanê Newroze yê heme şaran pîroz kena.

Wext wextê azadîye yo.

Êyê ke hêz danê nê prosesî ez înan selam kena.

Wa biciwîyo Newroze!''