Kayserî de Newroze goreyê planan taxa Boztepe ya qezaya Kocasînanî de do biameyêne fîrazkerdene. La şayîya Newroze hetê qeymeqamîye û mudirîya polîsan ra bi bahaneya 'asayîşî' ameye betalkerdene.

Rêxistina DEM Partî ya Kayserî derheqê babete de hesabê xo yê medyaya dîjîtale de no çi pare kerd: ''Şayîya Newroze ya Kayserî ya 17ê adare rê qeymeqamîye destûr dabi la 15ê adare de şayîye bi bahaneya asayîşî hetê Mudirîya Polîsan ra ameye betalkerdene.''