Hetkarê Serekê Pêroyî yê Federasyonê Elewî Bektaşî (ABF) Muslum Metînî ANFyî rê qisey kerd.

Metînî bale ante faturayanê ceyran û gazî yê cemxaneyan ser û vat: ''Bêguman faturayan tesîrê her kesî kerd la bi taybetî komelê elewîyan pê zaf dejayî. Çunke cemxaneyî sey tîcaretxaneyî ameyê pênasekerdene sey îbadetxaneyî nê.  Verî zî ma vera ney nêrazîbîyayîşê xo mojnabi la hende nika bale nêantbî. Elewîyî Kerbela ra nata hetê mazlûman de yê. Ma hetê çalakîyanê karkeran de yê. Eke ma pîya wurzê payan ser ma eşkenê xirabîyan werte ra wedarnê.''

Metînî da zanayene ke partî û dezgehê ke waştişanê elewîyan peygoş kenê elewî do çirey kişta înan de mevinderê û vat: ''Elewîyî cuyêka hempare û hemwelatîyêka têdûşte wazenê. Ma wazenê cemxaneyî wa bibê wayîrê statuyêkê qanûnî. Ma tim vera neheqîyan mîyanê têkoşînî de yê. Qirkerdişan ra dima zî têkoşînê ma tim pîlêr bi. Ma nika menga Xizirî de yê. Ganî ma xoverdayîşê karkeran, cemxaneyan, hêzanê demokrasî de vera neheqîye bibê Xizir û pîya têkoşîn bikerê.''