Îzmîr de berê hemwelatîyî bi nameyê Yalçin Acarî bi nuşteyê "Seba Elewîyan merg" ame nîşankerdene. Wekîlê HDPyî Alî Kenanogluyî derheqê bebete de meclîsî de qisey kerd vat: ''Gelo DAÎŞ reyna bîyo cîranê ma?"
Îzmîrî de keyeyê hemwelatîyêkî ame nîşankerdene û berî ser o "Seba Elewîyan merg" ame nuştene. Wekîlê HDPyî Alî Kenanogluyî derheqê bebete de meclîsî de qisey kerd û vat: "Wexto ke DAÎŞ cîranê ma bi ma nê çîyî zaf dîyî. Biewnê xeberanê ê çaxî, keye, taxe û şaredarîyanê pîlan de cayê ke Elewîyî ciwîyayêne amebî nîşankerdene. Gelo DAÎŞ reyna bîyo cîranê ma?"
Wekîlê HDPyî yê Îstanbulî Alî Kenanogluyî na babete arde rojeva meclîsî û vat: "Wexto ke DAÎŞ cîranê ma bi ma nê çîyî zaf dîyî. Biewnê xeberanê ê çaxî, keye, taxe û şaredarîyanê pîlan de cayê ke Elewîyî ciwîyayêne amebî nîşankerdene. Rew ra bîyo xeberê winasî çinbî, la 4 rojan ra nata reyna peyda bîyî. Gelo DAÎŞ reyna bîyo cîranê ma, se bî? Ma wazenê naye baş fam bikê."
"Derheqê babete de beyanatêk nêame kerdene. Têna vat ke 'Domanan kerd'. La Elewîyî tersenî, qerqilîyenê. Ganî na mesela bêra eşkerakerdene ke wa Elewîyî zî ma zî bizanê û vajê ke karê domanan o, gerek çin o ke ma bitersê. Ma do na mesela taqîb bikê."
