Qezaya Nisêbînî ya Mêrdînî de bado ke hazirîya weçînayîşê 31ê adare bîye temam vizêr DEM Partî şayîya şarî organîze kerde.

Verî şaro ke Kuçeyê 27ê Gulane de ame têhet heta Buroyê Weçînayîşî yê Cinîyan ê DEM Partî yê Kuçeyê Şîrînî bi meşaleyan rayra şi. Wextê rayraşîyayîşî de sloganê sey "Bijî Berxwdana Zindanan" û "Bijî Serok Apo" ameyî vatene.

Tîya Wekîlê DEM Partî yê Mêrdînî Kamuran Tahhanî qisey kerd û bale ante muhîmîya weçînayîşî ser, waşt her kes şiro sindoqan ser ke verê zilmê îqtîdarî bêro girewtene.

Namzeda Şaredarîya Nisêbînî ya DEM Partî Gulbîne Şahîn Daghan  zî vist vîrî ke Nisêbîn de di rey îradeyê şarî ame binpaykerdene û qeyûm ame carkerdene û vat: ''Ma do 31ê adare de qeyûman bişawê. Hendê şuxulnayîşê rayan wayîrvejîyayîşê sindoqan zî muhîm o. Ma do pêro pîya Nisêbîn biresnê rojanê ci yê verênan, ma do newera bikerê Nisêbîna Rengîne.''