Qezaya Nisêbînî ya Mêrdînî de konvoyê  AKPyî de faşîstan bi nîşanê nîjadperestî yê tirkan şar tehrîk kerd.  Naye ser o şarî nêrazîbîyayîş moja û destûr nêda konvoy ravîyaro. Şar bi slogana ''HDP, HDP'' û ''Ma do bi xoverdayîşî ser bikewê'' qîra. Konvoyî ra keso ke nasnameyê ci nîno zanayene wesayîtê xora ame war û çeke darte şarî.

Namzedê Şaredarîya Nisêbînî yê AKPyî Mehmet Çelîk zî wesayîtê xo ra ame war û şarê welatperwerî rê neng çînayî û heqarat û tehdît kerdî. Polîsan qet mudexale nêkerd, semedê pawitişê Çelîkî o warî ra vet. Bado ke Çelîk ame dûrfînayene polîsan gazê îsotî hêrişê şarî kerd. Esnafo ke binê tesîrê gazî de mend kepenkê xo nayî ro.