Starê Newroza Mêrdînî ewro Nisêbîn de ame dayene. Verê tafînayîşê adriê Newroze hetê wekîl û namzedanê DEM Partî yê Mêrdînî û MEBYADERî ra mezelê Rahşene Demirel ame zîyaretkerdene.

Badê rêzgirewtîşî qiseykerdişan de bale ameye antene muhîmîya rolê şehdan ser û şexsê Rahşane Demirel de şehîdê Newroze ameyî vîrardene û serê mezelî de vilîkî ameyî ronayene.

Dima ra temsîlkarî û şar ver bi Pirdê Şehîdan rayra şîyî û tîya zî semedê 21 kesanê ke Newoza 1992yî  de serê nê pirdî de hetê dewleta tirke ra ameyî  şehîdekerdene rêz ame girewtene û vilîkî ameyî ronayene.

Badê vîrardişanê şehîdan Mehlaya Kişla de adirdê Newroze ame tafînayene û govende ameye girewtene.