Kurdîstan de şirîtanê ceyranî ra vejîyayîşê şewatî dewam keno. Şewato ke dewa Serêkaniyê yê qezaya Nisêbînî ya Mêrdînî de vejîya res dewanê Alê, Zivingê.

Rixmê ekîbanê  îtfaîye û mudaxaleyê dewijan şewat nêgerîya binê kontrolî. Şewat warê 14 dewan tehdît keno.

Hemşaredara Nisêbînî Gulbîne Şahîn Daghan derheqê rewşa peyên a şewatî de eşkerayîye da çapemenîye. Daghan vat: ''Rixmo ke ma veng da cayanê eleqedaran hema çewî cewabê ma nêdayo. Seba ke bi îtîfaîye û mudaxaleyê şarî şewat nêşino hewna, warê daristanî de eke şewat vila bo felaketa pîle bena.''