Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameyî kiştene verê Edlîyeya Riha de lajê xo Ferît Şenyaşarî reyde nobeta edaletî kena. Çalakîya Keyeyê Şenyaşarî roja 385. de dewam kena. Seba ke Emîne Şenyaşar nêweş bîye, keyeyê xo yê Pirsûsî de çalakîye rê dewam kena.

Ferît Şenyaşaro ke verê edlîye de yo, pare kerd ke heta ke edalet bêro caardene ê do verê edlîye ra nêşorê.

Keyeyî ewro hesabê xo yê medyaya dîjîtale de no mesaj pare kerd: ''Serdê zimistanî de zî ma waştişê xo yê edaletî ra fek vera nêda. Hamnanêko bîn zî ho dîyeno. Ma gêrenê edaletî.''