Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 549. de dewam kena.

No hewte aktîvîstanê  Têgêrayîşê Ciwananê Şorişgêran (TCŞ) Şoreşger Cabbar Cîgerxwîn, Hagî Têkoşer, Şînwar Amed û Mehmet Açikgozî nobete dewr girewte. 

Cabbar Cîgerxwîn nameyê kome ser o qisey kerd û bale ante Qirkerdişê Parisî yê 23yê Kanûne ser. Cîgerxwînî vat: ''Ma do hesabê nê qirkerdişî qetî bipersê. Ma sey ciwanan xeylêk bi hêrs ê labelê terefgîrê şîdetî nîyê. Ma wazenê ke no qirkerdiş wa bêro roşnîkerdene û mesuldarî bêrê muhakemekerdene.''

Cîgerxwînî dima îfade kerd ke Rayberê Şarê Kurdî ra 2 serrî yo xeberêke çin a û vat: ''Sere de CPT ma dezgehanê mîyanneteweyîyan ra wazenê ke bi erk û mesuldarîya xo têbigêrê, seba ke peynîya tecrîdî bîyarê têbigêrê. Rayberê ma seba ma xeta sûr o, ma wazenê reyna na raştîye bîyarê vîrê her kesî.''