Nobeta Azadîye ke rayberîya Înîsîyatîfê Ocalanî rê Azadîye de 25ê hezîrana 2012î de seba azadîya Rayberê Şarê Kurdî şaristanê Strasbourgî yê Fransa de dest pêkerde, serra 10. de dewam kena.

Nobeta Azadîye hewteyê 507. de ya. Çalakîkerê nê hewteyî şaristanê Freiburgî yê Almanya ra kurdîstanijî Huseyîn Bafê, Îbrahîm Bafê û Cafer Nas yê.

 Nameyê kome ser o Huseyîn Bafêyî qisey kerd û 8ê Adare Roja Cinîyan ê Kedkaran a Dinya fîraz kerde. Huseyîn Bafêyî vat: ''Têkoşînê azadîye yê kurdan do rayberîya cinîyan de ser bikewo.''

Bafêyî pare kerd ke çalakîya Strasbourgî  seba pêro kurdan erkêk o û vat: ''Azadîya Rayber Apoyî yena manaya azadîya ma yê pêroyînan.''

Bafêyî dîyar kerd ke şarê kurdî seba azadîye ganî yewîya neteweyîye bîyarê ca û vat: ''Vera hêrişanê qirkeran û îşxalî yê dewleta tirke ganî her kes têkoşîn bikero.''