Nobeta Azadîye ya ke 25ê hezîrana 2012î ra nata bajarê  Strasbourgî yê Fransa de semedê azadîya Rayberê Şarê Kurdî Abdullah Ocalanî yena kerdene, serra 13. de bi hewayêkê qerardarî yena dewamkerdene.

Çalakîya ke semedê azadîya fîzîkîye ya Rayberê Şarê Kurdî Abdullah Ocalanî yena kerdene, hewteyê 643. de hetê  Vervatoxê Civaka Îslamiya Kurdîstanî (CÎK) yê Ewropa Mala Salih  û endamanê CÎKî Sezai Keskin, Emin Çiftçi û Mazlûm Ugurluyî ra ameye dewrgirewtene.

Mala Salihî vat: ''Rayber Apo temînatê haştîya bianore û îradeyê çareserkerdişê mesela kurdan o. Ganî  dezgehê Ewropa helêke cuwa ver şirê Îmrali. Dewaya ma dewaya haştîye ya. Rayberê ma zî semedê azadîye Kurdîstanî ra, Rojhelatê Mîyanênî ra ame Ewropa. Ma zî ewro semedê haştîye tîya de yê. Meseleyî bi haştîye yenê çareserkerdene. Tecrîd vera merdimîye sûc o. Çareserîye bi haştîye bena. Rayîrê nê zî dîyalog o. Dîyalog zî bi muxatabê ci beno.''