Nobeta Azadîye ya ka semedê azadîya fîzîkîye ya Raybarê Şarê Kurdî Abdullah Ocalanî 25ê hezîran a 2012yî de bajarê Strasbourgî yê Fransa de ameye destpêkerdene hewteyê 516. de ya.

Çalakîya ke verê dezgehanê Ewropa de yena kerdene û her hewte hetê grûbêke ra yena rayraberdene no hewte hetê grûba Duisburgî ra ameye dewrgirewtene. Grûbe de Haydar Fergil, Ozgur Varto, Îsmaîl Minkara û Şerif Ersoy ca genê.

Haydar Fergilî ke bi nameyê grûbe qisey kerd ard ziwan ke înan bi şîarê ''Wayîrvejîyayîşê Rayberîye wayîrvejîyayîşê Kurdîstanî yo'' nobete dewr girewte û vat: ''Ma wextê ke krîtîkî ra ravêrenê. Dewleta tirke bi hetkarîya PDKyî hêrişê Herêmanê Pawitişî yê Medya kena û hukmatê Iraqî zî hêrişê Şinganî keno. Şarê kurdî verA nê hêrişan her ca de payan ser o. Hêrişê îşxalî, şuxulnayîşê çekanê kîmyewîyan û hemkarîya PDKyî dewamê komployî yo. Şarê kurdî do ewladanê xo, gerîlayAn têna meverdo. Ewropa hîrê meymunan kay bikero zî ma do pê çalakîyanê xo yê demokratîkan do vera nê sîyaset dirîyî vejîyê.''