Nobeta Azadîye ya ka semedê azadîya fîzîkîye ya Raybarê Şarê Kurdî Abdullah Ocalanî 25ê hezîran a 2012yî de bajarê Strasbourgî yê Fransa de ameye destpêkerdene hewteyê 499. de ya.

Çalakîya ke verê dezgehanê Ewropa de yena kerdene û her hewte hetê grûbêke ra yena raraberdene no hewte hetê grûba Norveçî ra ameye dewrgirewtene. Grûba ke bi nameyê KCDK-E Başûrî nobete dewr girewte de Îsmaîl Salam, Shwan Kerkukî û Aso Faqe tede ca genê.

Îsmaîl Salamî ke bi nameyê grûbe qisey kerd bale ante muhîmîya nobete ser û vat: ''Semedê azadîya Rayberê Şarê Kurdî Abdullah Ocalanî û Kurdîstanê azadî yewîya neteweyîye şert a. Şarê kurdî bi hewayêkê qerardarî na çalakîye domneno ke Kurdîstano azad bêro ronayene. Wa dezgehê Ewropa bizanê ke kurdî ne Rayberîya xo ne zî Kurdîstanî caverdene. Ma do bi têkoşînî heqanê xo yê esasan bifînê dest. Ganî dezgehê mîyanneteweyî vera tecrîdî wezîfeyê xo bîyarê ca û hemkarê sûcanê dewleta tirke nêbê.''