Nobeta Azadîye ya ke 25ê hezîrana 2012î de hetê Înîsîyatîfê 'Rayber Apoyî rê Azadîye' ra bajarê Strasbourgî yê Fransa de dîyaye destpêkerdene, hewteyê 655inî de dewam kena.

Çalakîye no hewte hetê endamanê Partîya Yewîya Demokratîke (PYD) Elîfe Oman, Mihemmed Mihemmed û Mistefa Haftaro ra ameye dewrgirewtene.

Elîfe Omana ke bi nameyê grûbe qisey kerd vist vîrî ke Nobeta Azadîye 13 serrî yo bêmabên yena domnayene û nê vatî: ''Rayberîya ma dewrê peyêne de prosesêk da destpêkerdene. Ganî şarê mo ke Ewropa de dormeyê nê prosesî de bêro têhet. Bitaybetî ma veng danê şarê Vakurê Kurdîstanî ke wa têkoşînê xo girdêr bikewro. Ma bi xebetanê xo destê Rayberîya xo xurtêr bikerê.

Rojawan zî pabesteyê nê prosesî yo. Ma sey endamanê PYDyî yê ke verê CPT û Parlamentoyê Ewropa de yê, şervananê QSDyî rê yê ke Tişrîn û Minbic de xoverdayîşê girdî kenê înan rê selamanê xo şawenê. Ma pê bawer ê ke şarê ma nê prosesê hesasî de paştî dano QSD û Îdareyê Xoserî.''

Omane bale ante muhîmîya serrgêra Qirkerdişê Parisî zî ser û semedê tewrbîyayîşê çalakîya Parisî ya 11ê çeleyî veng da.