Nobeta Azadîye ya ke 25ê nîsana 2012î ra nata hetê Înîsîyatîfê 'Rayber Apoyî rê Azadîye' ra şaristanê Strasbourgî yê Fransa de yena kerdene hewteyê 654inî de dewam kena.

Roja verêne ya serra newî de çalakîye hetê koma şaristanê Nancyî yê Fransa ra ameye dewrgirewtene. Koma de Murat Torun, Piri Kizilay, Ugur Aslan û Mehmet Yurtsever yer ca genê.

Murat Torunê ke bi nameyê çalakwanan qisey kerd, wina vat: ''Wa serra newî biba serra azadîya Rayber Apoyî û şaran. Nika hêvîya ma ya azadîye dahîna gird a. Nê prosesê tarîxî de şarê ma ganî her warî de pêrodayîşî girdêr bikero û dormeyê erjanê têkoşînî de bêro têhet û wayîrê Şorişê Rojawanî bivejo.''