Nobeta Azadîye pê koma Dortmundî dewam kena
Nobeta Azadîye ya ke şaristanê Strasbourgî yê Fransa de new serrî yo dewam kena, şaristananê Dortmundî yê Almanya ra kurd û dostanê ci dewr girewte.
Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012î de ameye destpêkerdene hewteyê 462. de ya.
Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene.
Hewteyê 462. de Dortmundî ra kurdîstanijan Nobeta Azadîye dewr girewte. Kome de Yusuf Durdu, Xelef Abdulkadîr, Leyla Hamî û Çîyazan Koçer estê.
Yusuf Durduyî nameyê kome ser o qisey kerd û pare kerd ke kurdan Rayberê Şarê Kurdî sey muxatabê çareserîya meseleya kurdan vînenê û çalakîya Nobeta Azadîye vera hêzanê komplogeran tewir o. Durduyî îfade kerd ke heta ke Abdullah Ocalan azad bibo ê do çalakîya xo rê dewam bikerê.
Yusuf Durduyî Sînan Dêrsim û qurbanê Qirkerdişê Armenîyan zî yad kerdî û ard ziwan ke dewleta tirke ya îşxalkere serrgêra Qirkerdişê Armenîyan de hêrişê Başûrê Kurdîstanî kerd. Durduyî da zanayene ke ganî vera faşîzmê tirkan kurdî têkoşîn bikerê. Durduyî xoverdayîşê gerîlayan selam kerd.
