Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene.

Nobete hewteyê 464. de pê koma Essenî ya Almanya dewam kena. Kome de kurdîstanijî Îbrahîm Polat, Mazlum Hasan û Feteh Cîrît ca gênê.

Îbrahîm Polatî kome ser o qisey kerd û bale ante hêrişanê îşxalî û hêrişê vera Rayberê Şarê Kurdî Abdullah Ocalanî ser. Polatî vat: ''Azadîya Rayber .Apoyî mefteyê çreserî yo. Ewropaya ke îdîa kena a pawitoxa demokrasî û azadî ya eke babete kurd û Rayberê ma biba eqsê polîtîkaya xo têgêrena. Sey kurdan ma vanê ke heta azadîye ma do têkoşînê xo dewam bikerê. Ewropa ra yew waştişê ma çin o têna wa paştî nêda Tirkîya. Ma venga pêro kurdan danê ke wayîrê na çalakîye vejîyê.''