Çalakîya Nobeta Azadîye ya seba Rayberê Şarê Kurdî Abdullah Ocalanî hewteyê 611. de bi koma Salzgitterî dewam kena. Koma Salzgitterî de kurdîstanijî Alî Bînîcî, Medîne Çobanoglû, Baran Esen û Nevzet Goktaş cagênê.

Endamanê kome ra Medîne Çobanoglu çalakîye de qisey kerd û vat: ''Rayberê ma 25 serrî yo hetê dişmenî ra yeno tecrîdkerdene. Se beno wa bibo ganî ma wayîrê Rayberîya xo vejîyê. Heta ke Rayberê ma azad nêbo şarê kurdî zî do azad nêbo.''

Alî Bînîcîyî dîyar kerd ke seba azadîya Ocalanî 12 serrî yo kurdî nobete kenê. Bînîcîyî bale ante ser ke weçînayîşê herêmî yê Tirkîya nêzdî yê û vat: ''Şarê ma ganî raya xo bido xo yanî DEM Partî.''