Vera xespkerdişê Şaredarîya Esenyurtî ya CHPyî û tepişîyayîşê Şaredar Ahmet Ozerî Nobeta Demokrasîyî roja çarine de dewam kena.

Hetkara Serekê CHPyî Aylîne Nazliaka û Wekîlê Îstanbulî Suat Ozçagdaş zî tede heyetê CHPyî verê şaredarîye de xîret kerd ke debikewê zereyî la polîsan nêverda.

Mabênê polîsan û heyetî de alozîye vejîyaye. Aylîne Nazliaka tîya de vat: ''Ma çîyê îlegalî nêkenê. Ma do debikewê zereyî. Ewro do çew apey game nêerzo.''

Ozçagdaşî zî vat: ''Şaredaro verêno ke pereyê şaredarîye diznabî gêrîyeno zere la wekîl û endamê Meclîsê Şaredarîye nêgêrîyenê. Rêxistin û wekîlê ma tîya de yê. Ma do gerreyê polîsan bikerê.''