Nobeta Demokrasîyî ya Wanî  ya ke verba destsernayîşanê şaredarîyan ameye destpêkerdene, 44 rojan ra nata bêteredutî dewam kena.

Nobeta Demokrasîyî verê bînaya HDP'yî ya qezaya Rêya Armûşî de ameye viraştene. Parlamenterê HDP'yî Mûrat Sarisaç, Mûsa Farisogullari, Mûazez Orhane, Endamê înîsîyatîfê Mayê Haştîye û aktîvîstê TJA û şarê herême tewrê çalakîye bîyî. Parlamenterê HDP'yî Mûrat Sarisaçî meydanê çalakîye de qisey kerd. Sarisaçî va: ‘‘ Îqtîdar wazeno Kurdan, şaranê bînan û herkeso ke nêzdîya îqtîdarî nîyê çin bike û vat, ê nê şerî sey şerêko verba amayoxê Tirkîya vînenê. Ma do her roje meydanan de xo ver bidê. No xoverdayîş unîversal o, wijdanê merdimîye yo, no xoverdayîş xoverdayîşê herkesî yo ke demokrasî wazenê. Şarê Kurdî û Tirkîya û heme kesê ke demokrasî wazenê ganî  tewrê nê xoverdayîşê rewa û heqdarê HDP'yî bibê.‘‘