Merdimê tepişteyan bînaya Baroyê Amedî de 76 rojî yo nobeta edaletî gênê. Keyeyê tepişteyan wazenê tepişteyê nêweşî û tepişteyê ke cezaya înan qedîyaya, wa cade bêrê veradayene.

Roja 76. ya çalakîye de dadîya tepişteyê nêweşî Civan Boltanî, Nazîme Boltan vat: ''Hînî bes o, domananê ma vera bidê.''

Nazîme Botan vat: ''Ma derman bikerê. Tepişteyê ma yê kokimî estê. Şima do heta key înan bitepişê? Qet nêbo wa helanê peyênan de ê keyeyê xo reyde bibê. Ma edaletî wazenê. Edalet rojêke do her kesî rê lazim bo.''

Merdimanê tepişteyan ra Nuraye Abay vat: ''Ma seba tepişteyanê nêweşan tîya de yê û heta ke ma netîce bigêrê destî do tîya de bibê.''