Keyeyan û merdimanê tepişteyan ê ke 220 rojî yo Amed de Nobeta Edaletî de yê, verê Edlîyeya Amedî de waşt ke wa tepişteyê nêweş û cezaya ci qedîyaya bêrê veradayene.

Komeleya Paştdayîşê Keyayanê ke Merdimê  xo Vînî Kerdî (MEBYA DER), MED-TUHAD-FED, DBP, HP û TUAY-DERî zî paştî daye çalakîye.

Merdimanê tepişteyan ra Reşahate Ada vat: ''Domananê ma çîyêko xiran nêkerdo. Domananê ma seb erd, ziwan û kulturê xo têkoşîn kerd. Coka tepişîyayî. Senî ke domanê ma zîndan de xo ver danê, ma zî tîya de xo ver bidê. Xoverdayîş ciwîyayîş o.''

Nobeta edaletî pê sloganan qedîyaye.