Vizêr roja verêne ya roşanî de zî verê Şaredarîya Amedî de, vera destsernayîşê  îradeyî çalakîya nobete dewam kerd.

Nobete de hunermend Azad Bedranî konser da. Sere de Hemşaredarê Amedî wekîlê DEM Partî û xeylêk kesî tewrê çalakîye bîyî.

Hemsereka DEM Partî ya Amedî Pinare Sakik Tekîn xîtabê girseyî kerd, roşanê înan pers kerd û vat: ''Îqtîdrê AKP-MHPyî destkewteyanê kurdan rê tehamul nêkeno. La ma tîya de yê û têkoşînê ma berdewam o.''

Hemşaredara Amedî Serra Bucak vat: ''Şarê ma wayîrê îradeyê xo vejîyeno. Ganî verê îradeyê şarî de her kes hûrmet bikero. 8 serran de qeyûman texrîbatêko pîl viraşto. Ma zî seba ke nê texrîbatî werte ra wedarnê şewe û roje xebitîyenê.''

Merale Daniş Bştaş vat: ''Îqtîdar bi tayînkerdişê qeyûman polîtîkayanê xo yê dişmenîya kurdan rê dewam keno. La ma zî xoverdayîşê xo rê dewam kenê. Ma do sereyê xo nêarê war. No şar 100 serrî yo vera nê polîtîkayan sereyê xo nêano war û xo ver dano.''

Dima hunermend Azad Bedran vejîya sehne ser.