Nobetanê vera destsernayîşê Şaredarîya Colemêrgî roja desine de dewam kerd.

Êlih

Vizêr verê şaredarîye de bi beşdarîya Meclîsanê Mayanê Haştîye, îdarekaranê DEM Partî û DBPyî nobete dewam kerd. Nobete de pankarta 'Ma do destûr nêdê darbeya qeyûmî' ameye akerdene. 

Amed

Verê Şaredarîya Peyasî ya Amedî de bi çepik û deyîran nobete ameye kerdene.

Mersîn

Verê Şaredarîya Akdenîzî de roja desine de nobete dewam kerd. Xeylêk temsîlkarê partî û dezgehan tewrê nobete bîyî. Nobete de pankarta 'Qeyûm destsernayîşê îradeyê şarî yo. Darbeya vera demokrasîyî ya' ameye akerdene.

Maya Haştîye Tenzîle Baydar çalakîye de  venga dadîyanê polîs û leşkeran da ke wa  ê pîya seba haştîye têkoşîn bikerê û vat: ''Ma do heta ardişê edaletî têkoşînî cameverdê. Êyê ke pêrodayîş wazenê do ser mekewê.''

Nobete bi govende, tîlîlî û sloganan qedîyaye.