Êlih û Amed de vizêr zî verê şaredarîyan de vera destsernayîşê îradeyî çalakîyanê nobete dewam kerd.

Êlih

Çalakîya nobete roja 12ine de dewam kerd. Îdarekarê DEM Partî û DBPyî zî tewrê çalakîye bîyî. Çalakîye de sloganê sey ''Teda nêeşkenê ma qels bikera'', ''Qeyûm do şoro'' ameyî vatene. Girseyî waşt ke wa rejîmê qeyûman biqedo. 

Amed

Çalakîya verê Şaredarîya Amedî de vizêr pankarta ''Şaredarîye yê ma ya, ma do destûr nêdê destsernayîşî'' ameye akerdene. Endamanê Platformê Pawitiş û Paştdayîşê Amedî zî nobete zîyaret kerde.Nameyê endamanê platformî ser Serekê Baroyê Amedî Nahît Erenî qisey kerd û vat ke ê do verê sîstemê qeyûman de vinderê.