Nobet û protestoyê vera destsernayîşê Şaredarîya Colemêrgî dewam kenê. Çalakîyanê nobete yê vera destsernayîşê Şaredarîya Colemêrgî de ame îfadekerdene ke ewro mîtîngê Colemêrgî de mesajêko xurt do bêro dayene.

Amed

Çalakîyê Şaredarîya Amedî û 13 şaredarîyanê qezayan dewam kerd. Hemşaredarî, endamê Meclîsanê Şaredarîyan, îdarekarê TJA, DBP û DEM Partî zî tede xeylêk kesî tewrê nobetan bîyî. Girseyan tim sloganê ''Colemêrg ê ma yo'' vat.

Êlih

Verê Şaredarîya Êlihî de roja 9ine de nobete dewam kerd. Wekîlê DEM Partî Zeynepe Oduncu, Meclîsê Mayanê Haştîye, îdarekarê TJA, DBP û DEM Partî tewrê nobete bîyî. Çalakîye de slogan û deyîrî ameyî vatene.

Sêrt

Hemşaredarê Sêrtî Sofya Alagaş û Mehmet Kaysi, Wekîla DEM Partî Sebahate Erdogan Saritaş û xeylêk kesî nobete de amade bîyî. Çalakîye de pankarta ''Şaredarîye yê ma ya, ma do rayîr nêdê destsernayîşî'' ameye akerdene. Çalakîye bi tîlîlî û govendan dewam kerd.

Îzmîr

Nobete bi beşdarîya TJA, DEM PArtî, Partîya Kede, Partîya Azadîya Komelkîye, Partîya Karkeran a Tirkîya, Partîya Têgêrayîşê Kede, Platformê Meclîsanê Sosyalîsyan ûsn dewam kerd. Çalakîye de Endamê Meclîsê Partîye yê ESPyî Murat Çepnîyî dîyar kerd ke ê do demokrasî û haştîye bîyarê welatî.