Nobetê vera xespkerdişê Şaredarîya Colemêrgî şaristananê Kurdîstan û Tirkîya de dewam kenê.

Êlih

Bi beşdarîya îdarekaranê DEM Partî û DBPyî û rêxistinanê komelê sivîlî nobede dewam kena. Girse bi deyîran nobete gêno.

Sêrt

Roja hîrêyîne de wekîle Sebahate Erdogan Sartaş zî tewra çalakîye bîye. Girseyî esnafî zî zîyaret kerdî. Wekîle Sebahate pare kerd ke wa her kes vera destsernayîşî verê şaredarîye de kom bibo.

Adana

Serkêşîya DEM Partî de Parka Înonuyî de vizêr çalakîya nobete dîyaye destpêkerdene. Polîsan barîyerî nayî ro û dormeyê bînaya DEM Partî girewt. Rixmê astengîyan zî girseyî çalakîye kerde.

Şirnex

Qezayanê Cizîre, Silopî û Hezexî de roja hîrêyîne de nobete dewam kerd.

Îzmîr

Roja diyîne de girseyî bi sloganê ''Ma do bi xoverdayîşî ser bikewê'' çalakîya xo kerde.

Dîlok

Serkêşîya DEM Paryî de Parka Balikliyî de çalakîkeranê nobete eşkerayîye daye. Eşkerayîye de ame vatene: ''Şaredarîyî ê ma yê, ma do rayîr nêdê xespî.''

Mêrdîn

Qezayanê Qoser, Dêrik, Şemrex, Nisêbîn, Kerboran û Artukluyî Mêrdînî de û verê Şaredarîya Mêrdînî de nobetî dewam kenê. Çalakîkeran govende girewte û destsernayîşê Şaredarîya Colemêrgî protesto kerd.