Xeylêk şaristanan de nobetê vera destsernayîşê îradeyî dewam kenê.

Amed

Verê Şaredarîya Amedî û qezayanê ci de nobete dewam kena. Endamê Platformê Kede û Demokrasîyî Meydanê Şêx Seîdî de ameyî yewca û bi slogananê sey ”, “Her der Colemêrg, her der berxwedan”, “Bijî berxwedana Colemêrgê” rayraşîyayîş kerd. Girseyî cayê nobete de mesajê ''Ma do bi xoverdayîşî ser bikewê'' da.

Qezayanê Peyas, Bajara Nû, Rêzan û Bismilî de zî serkêşîya DBP û DEM Partî de nobetanê vera destsernayîşê îradeyî dewam kerd.

Şirnex

Verê Şaredarîyanê Cizîre, Hezex û Silopî de roja çarine de nobetan dewam kerd. Wekîlanê DEM Partî Newroze Uysal, Mehmet Zekî Îrmez, endamanê rêxistinanê komelê sivîlî û hemşaredaran zî paştî daye çalakîyan. Çalakîyan de sloganê ''Qeyûmî nêeşkenê ma vindarnê'' ameyî vatene.

Adana

Serkêşîya DEM Partî de roja diyîne de çalakîya nobete dewam kerd. Girseyî Parka Heykellî de dowîzî akerdî. Polîsan dormeyê girseyî girewt. Girseyî dima çalakîya roniştişî kerde. Hemserekê DEM Partî yê Adana Seyfettîn Aydemîrî dîyar kerd ke ê do vera destsernayîşê îradeyê şarî meydanan de bibê.

Sêrt

Çalakîya nobete verê Şaredarîya Sêrtî de roja çarine de dewam kerd. Hemşaredara Sêrtî Sofya Alagaş zî tewra çalakîye bîye. Çalakîye de deyîrî ameyî vatene û govende ameye girewtene. Çalakîye de pankarta “Şaredarî yên me ne, em destûrê nadin desteserkirinê” ameye akerdene.

Êlih

Roja çarine de verê Şaredarîya Êlihî de çalakîye dewam kerd. Hemsereka DEM Partî ya Êlihî Songule Korkmaz çalakîye de vat: ''Ma zanenê ke qeyûm çita yo. Serranê 2016-2019î de ma dî. Ma do qetî rayîr nêdê sîstemê talanî.''

Îzmîr û Mugla de zî çalakîyanê nobete dewam kerd.