Vera destsernayîşê Şaredarîya Colemêrgî xeylêk şaristanan de çalakîyî dewam kenê. 

Amed

Şaredarîya Amed û Şaredarîya Peyasî bi şîarê ''Şaristanê mi nasnameyê min o, wayîrê ci vejîyê'' Parka Tema de kombîyayîşê şarî û konserêk serûber kerdî. Çalakîye de Hemserekê DBPyî yê Amedî Mehmet Şîrîb Gurbuzî îfade kerd ke kurdî qeyûman qebul nêkenê.

Hemşaredarê Peyasî Cengîz Dundarî vat: ''Hukmat bi dosyayan keno ke mesaj bido ma. Ma nê hukmatî rê vanê ke hinî bes o.''

Vervatoxa Meclîsê Cinîyan ê DEM Partî Halîde Turkoglu Amed de vat: ''Ê kesê ke îradeyê ma nêşinasnenê, ma zî huqûqê nînan ê dişmenîye nêşinasnenê. Qeyûm vera demokrasîyî darbe yo. Qeyûm de israrkerdiş polîtîkayanê şerî de israrkerdiş o.''

Qiseykerdişan ra dima hunermend Kasim Taşdoganî deyîrî vatî û girseyî pîşya govende girewte.

Adana

Rêxistina DEM Partî ya şaristanî parka Taxa Gulbahçe ya qezaya Seyhanî de çalakîye rê dewam kerd. Girseyî dowîzê ''Şaredarîye yê ma ya, ma do rayîr nêdê destsernayîşî'' akerd û sloganî vatî. Girseyî çalakîye ra ver zî esnafî zîyaret kerdî. Çalakîye de deyîrî ameyî vatene û Denîze Poyraz ameye yadkerdene.

Sêrt

Verê Şaredarîya Sêrtî de roja 15ine de nobete dewam kerd. Sere de Hemşaredarê Sêrtî Sofya alagaş û Mehmey Kaysi xeylêk kesî tewrê nobete bîyî.