Vera destsernayîşê Şaredarîya Colemêrgî vizêr zî Kurdîstan û Tirkîya de çalakîyanê nobete dewam kerd.

Amed, Êlih,Sêrt, Riha û Îzmîr de çalakîyanê nobete roja 11ine de dewam kerd. Çalakîyan de vera destsernayîşê îradeyê şarî nêrazîbîyayîş ame mojnayene û  ame vatene ke şar do destur nêdo qeyûman. Kesê ke tewrê çalakîyan bîyî  bi slogananê “ Ma do bi têkoşînî ser bikewê”, “Bijî berxwedana Colemêrg” û “ Her ca Colemêrg her ca têkoşîn ” mesajê xurtkerdişê têkoşînî dayî.Çalakwanan bi slogana"Colemêrg ya me ye Şaredarî ya me ye "  govende girewte.

Îstanbul de zî çalakîya nobete roja 7ine de dewam kerde.Çalakîye de slogana  “Bijî berxwedana Colêmergê” ameye vatene. Hemvervatoxê HDKyî Cengiz Çîçek û wekîlê EMEPî Îskender Bayhan û xeylêk  kesî tewrê çalakîye bîyî. İskender Bayhanî ke çalakîye de qisey kerd vat: ''Ê ke Tirkîya de karker û kedkaran feqîrîye rê mehkem kenê û êyê ke şaredarîyanê kurdan de qeyûm ca kanê eynî hêz ê. Bizanê ke eke şarê welatêkî şarêkê bînî eciqneno, netewêk xo netewê bînî ra cor de vîneno azed nêbeno. Qederê ma, ameyox û têkoşînê ma yew o.''