Nuştoxê rojnameyê Akşamî û wekîlê verênî yê AKPyî Huseyîn Beslîyî vera kurd û elewîyan nuşteyê xo de vateyê nîjadperestî şuxilnabî. Rêxistinanê elewîyan verê bînaya rojnameyî de eşkerayîyêka çapemenîye kerde.

Serekê Federasyonê Weqfanê Elewîyan (AVF) Haydar Bakî Doganî îfadeyê Beslîyî şermezar kerdî û vist vîrî ke na hişmendîya nîjadpereste ra semed elewîyî zaf reyî ameyî qetilkerdene.

Doganî bale ante ser ke elewîyî hertim maruzê tedayan manenê, berê înan yenê nîşankerdene û yenê qetilkerdene û vat: ''Hêzê şima do na hişmendîya kanwaze reyde şoro ke şima perwerê ci yê. Ma do heta ke heqê xo yê 'hemwelatîya têdûşte' bigêrê têkoşînê xo rê dewam bikerê.''

Doganî venga rojnameyê Akşamî da ke Beslî wa karî ra bêro vetene.